انا مخطوبه من سنه تقريبا ومكنتش عارفه خطيبى ولا هو عمره شافنى مع انه قريبى بس من بعيد حبيته وحبنى ولاقيت فيه حاجات كتير ناقصانى كنت محتاجلها وهو كان نفسه يلاقى واحده فيها مواصفاتى والحمد لله احنا مرتاحين مع بعض
المشكله ان احنا قدامنا تلات شهور ونتجوز ولاكن فيه مشاكل كتير بينه وبين اهلى زى المؤخر والايمه والحاجات بتاعة الجواز دى والمشكله ان ابويا عصبى وخطيبى عصبى وخطيبى عايزنى اتكلم مع ابويا فى الحاجات دى وفى نفس الوقت كل ماجى اتكلم بابا يتخانق معايا ومش عايزنى اتكلم فى المواضيع دى وفى نفس الوقت خطيبي بيقول لى انى سلبيه ومش عارفه اتكلم مع اهلى علشانه وعلشان نتجوز وفى نفس الوقت هو متمسك برايه وقراراته
وملحوظه هامه
انا دايما بحس انه مش بيحب اهلى خالص ولما بساله يقولى علشان هما بيسالوه فى حاجات كتير(الحاجات اللى هو بيقول عليها زى الشقه والعفش هيجيبه امتى ومنين ............الحاجات دى يعنى)
مش عارفه اعمل ايه انا بحبه وخايفه نسيب بعض من المشاكل ديه
وبابا حاسس بيا ودايما يقولى انه هيتعبنى بعد كده وانا خايفه مش عارفه اعمل ايه ومع كل ده بحببببببببببه فوق كل تخيلات البشر |