وسع يا عم انت وهوا

وسعلوا يا ابنى انت وهوا الباشا وصل
هاتوه

انا جيتلك يا عم ورينا هتعمل ايه


مين عمر حبيبى

حبيب قلبى فينك يا ابنى وحشنى والله


شفت بقى ان الدنيا دوارة

دواره يا صحبى


اديك لفيت لفيت ووقعت تحت ايدى

وقعت وقعت ومحدش سمى عليا



قولى بقى ( وعلى الله ما تردش على اى سؤال )


عيب عليك يا صحبى انا مقدرش


1- عرفنا بعمر فى 3 كلمات (3بس ما تابقاش رخم )
عمر انسان رومنسى صاحب صاحبه يحب الضحك والهزار

2- ما هو شعورك لو جيت تكلم بنت ونفضتلك ؟
من غير زعل انا متفرقش معايا بنت اكلمها ولا لأ بس بردوا هضايق وهسكت

3- كام مرة اتقلتلك الجملة دى ( انت ما عندكش اخوات بنات ) واخر مرة اتقلتلك امتى ؟
ولا مره والحمد الله لانى مش بحب اعاكس بنات

4- عايزين نعرف يا عم عمر
اكلتك المفضلة
المسقعه
.... رياضتك المفضلة
كرة القدم

.... لونك المفضل
الاحمر


.... وخط تليفونك المفضل (اللى بتعاكس بيه البنات يعنى ) وليه بتحب الحاجات ديه ؟

انا عمرى ما عكست بنت فى تليفون ولا فى غيروا


5- بالنسبة للكلية هتعمل ايه لو حد غلس عليك (سيبك من الطلبة لو دكتور مثلا ) وهل حصل معاك موقف مشابه؟ بشرح لو سمحت ... (اوعى تكدب عشان انا عارف )
هعمل اللى يقدرنى عليه ربنا ساعتها ..... حصل معايا فعلا ...... انا كنت فى الكليه بتعتى فى بداية السنه وماشى مع زمايلى وفجأة لقيت دكتور وقفنى علشان يعدى هو من قدامى فكنت همسك فيه بصراحه علشان اعلموا الادب وعلشان يعرف مين هو عمر ماريو ويبقى عبره لغيروا ههههههههههه



6- مين اكتر صديق اثر فيك ؟ وازاى ؟ وهل انت على صلة بيه دلوقتى ؟
صديق عزيز عليا اوى مش لازم اقول علشان الموضوع يطول شرحوه وليه صلة لغاية دلوقتى


7-( ما اخذ منك بالقوة لا يسترد الا بالقوة ) ايه رأيك فى الكلام ده ؟
مش فى كل الاوقات فى حاجات لا ترد الا بالقوه وفى حاجات ترد بالعقل
8- كان فى سؤال لفارسة الظلام وفى اجابتك عليه قولت ان محمد عنتر شاعر مبدع ؟
فأنا شايف غير كده ( فما هى اثبتاتك )
اه انا متأكد من كدا لانك انت قولت كلام من تأليفك واهوه اللينك اللى مش مصدقنى
بحبك اه

9- اهدى لكل عضو من هذه الاعضاء اغنية

سندريلا:اغنية خالد عجاج اسمها الحياه


شاينى مان:عمرو دياب اسمها اغيب اغيب


مودى امام:اغنية عمرو دياب اسمها الله لا يحرمنى منك



فارسة الظلام:اغنية سميه اسمها الايام



عندليب الحب:تااامر عاشور اسمها كل يوم



بيدو:مصطفى قمر اسمها بسلم عليك



محمد عنتر:اغنية احمد فهمى اسمها فى كدا


واخيرا عمر ماريو:اما انا بقا اغنية تامر حسنى اسمها انا مش عارف اتغير



10-ما هى معلوماتك عن كل من ( الحب ... الخيانة )؟
الحب زى ما قولت قبل كدا الحب شئ جميل يشعر بيه الانسان وبيكون شعور متواصل بين الاتنين واهتمام واخلاص واحترام بين الاتنين
اما الخيانه شئ فوق الفظيع بجد لو كانت الخيانه انسان لقتلت هذا الانسان لانوا فعلا اصعب شئ هى الخيانه سواء كانت من صديق من حبيب من قريب او حتى غريب بس بتبقى صاعبه اوى وياليت كل امرأء يحافظ على حبه سواء كان صديق او حبيب


11- ما اصعب بنظرك فراق الحبيب ام فراق الصديق ؟
هو فى كلا الحالتين صعب اوى الفراق بس انا بقول فراق الصديق لان الصديق بيبقا صديق طول العمر وصعبه اوى فراقه لاكن فراق الحبيب صعبه اوى بس مش زى الصديق لان الحبيب مهما كان مدة الحب مش هيبقى اصعب من الصديق


12- امتى اخر مرة بكيت فيها؟ وليه ؟
بكيت يوم فراق حبيبتى وطبعا علشان سبنا بعض

13- بتعمل ايه وانت رايح الكلية ؟ وبتعمل ايه اول ما بترجع منها ؟
بصحى من النوم بخش الحمام بغسل وشى وبعد كدا بلبس وباخد بعضى واخرج اروح الكليه

واوال لما ارجع بغير هدومى وبستنا عمال ما امى تحضر الاكل وعمال ما بتحضر الاكل اكون قعدت على النت شويه شوفت حد منزمايلى قاعدين اسلم عليهم وبعد كدا اقوم اكل وبقضى يومى عادى

14- وردة حمراء ... لمن تهديها داخل المنتدى ؟
الورده الحمراء اهديهالك ليك يا عسل علشان بحبك

15- ايه اكتر حاجة بتزعلك ؟ وايه اكتر حاجة بتفرحك ؟
لما حد يطلب منى حاجة ومش بقدر اعملهالوا واكتر حاجة بتفرحنى لما بحس ان كل اللى حوليا مبسوطين منى لانى عملت حاجة تفرحهم

16- مين اكتر انسان جرحك ؟ وازاى ؟
اكتر انسان هو حبيبتى يوم لما سبنى بعض

17- بمناسبة السياسة ... تعمل ايه لو اتعينت رئيس جمهورية مصر ؟
والله دى مسؤليه كبيره اوى وانا مش عارف ساعتها بس انا هحاول انى اكون كويس واعمل على ان كل شخص بيحاول يخرب فى البلد دى مش هخلى حد يعرفلوا طريق جوره لان البلد دى احنا اللى بنعغليها بادينا وبنخليها جميله بايدينا واحنا بردوا اللى بنخربها فوقينا
18- ما معلوماتك عن اقتصاد بلدك ؟
والله البلد خربانه خربانه مش هقول اكتر من كدا
ربنا يخليهولنا بقا

19- متى تلجأ الى الهجرة ؟
لما اللقى بلدى مش محتجانى ولما افقد الامل

20- اخر سؤال ..... ازيك يا مان
الله يسلمك ياعم
الحمد لله متهيئلى كده قطعتك
ولا بتعرف تقطع ولا حاجة دا نت لسه صغير مش بتعرف تقطع روح لوا يعلمك حد

وكلمتى ليك
قول يا عم الامور بحبك يا عمر