هل أنتى محترمة ؟ - Ya Melody

**BazMan** · 08-06-2008, 01:44 AM

بسم الله الرحمن الرحيم

سوف اقول كلامات قاسيه ارجو ان
تقرئيها

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك للمتابعة وإذا لم تكن فيمكنك تسجيل عضوية جديدة مجانا ً ( من هنا )

التوقيع

كلامك مكتوب وقولك محسوب وانت يا هذا مطلوب ولك ذنوب وما تتوب وشمس الحياة قد أخذت فى الغروب فما أقسى قلبك من بين القلوب ... ابن الجوزى

حلوة شقية · 08-06-2008, 06:15 AM

انت فاهم الموضوع خطا في الحجاب انا مثلا محجبة بس ليا صديقة مش محجة بس هي احسن مني مع انها مش محجبة بس هي مش قادرة تلبسوا اي نعم مقلتش انه مش حرام بس هي عارفة انها لو لبسته مش هتستحمل وهتقلعه تاني وده يبقي حرام جدا هي اللي يشفها يقول دي مش محترمة اذاي يحكموا عليها هما مين اصلا عشان يحكموا عليها هي دلوقتي بتحضر انها تلبسوا الملابس الغير لائقة بالحجاب بتتخلي عنها وبتشتري الائق فأرجوا عدم الحكم علي البنت من خلال اذا كانت لابسة الحجاب ولا لا

حلوة شقية · 08-06-2008, 06:22 AM

وموضوع انها تحب ولا لا هي مش بتحب بمزاجها ده بيبقي شعور لا ارادي وبعدين مش احسن لما تتجوز واحد واهو جوزها ويعاملها معاملة سيئة وميحترمهاش ومين يلومها معرفتهوش محبتهوش كل اللي تعرف عنه اسمه سنه قدراته المالية صح ؟؟ ولو كان الكلام ده غلط كانوا معملوش فترة الخطوبة واحدة مثلا اتخطبت ومسك ايديها انت بتقول ان دي بتظلم جوزها بس ده المفروض يبقي جوزها وحصلت مشاكل واتفشكلت الخطوبة واتخطبت واتجوزت المرادي يبقي هي مش محترمة عشان مسكت ايد خطيبها الاولاني وكده تبقي بتظلم جوزها ده هو الموضوع حلو بس في حاجات كتييير مش معقولة ومفهوم انها محترمة انتوا شايفينه كده لانكم ولاد مش بنات متعرفوش احنا اد ايه بنعاني من الالتزام ده وكمان منبقاش بنات محترمة عشان حبينا لا ده يبقي زيادة شوية يا ريت متضايقش من نقاشي وده في الاخر مجرد راي بنت واحدة بس انا متأكده ان ده مش رأي لوحدي وان البنات كلهم معايا في الراي...........

حلوة شقية · 08-06-2008, 06:25 AM

انت فاهم الموضوع خطا في الحجاب انا مثلا محجبة بس ليا صديقة مش محجة بس هي احسن مني مع انها مش محجبة بس هي مش قادرة تلبسوا اي نعم مقلتش انه مش حرام بس هي عارفة انها لو لبسته مش هتستحمل وهتقلعه تاني وده يبقي حرام جدا هي اللي يشفها يقول دي مش محترمة اذاي يحكموا عليها هما مين اصلا عشان يحكموا عليها هي دلوقتي بتحضر انها تلبسوا الملابس الغير لائقة بالحجاب بتتخلي عنها وبتشتري الائق فأرجوا عدم الحكم علي البنت من خلال اذا كانت لابسة الحجاب ولا لا

shahed · 08-06-2008, 07:56 PM

انا بقول انو كل حكيك صح
وانا محجبة والحمد الله
بس زي الي قالت فوقي في كتير مش محجبات ومحترمات وبصلين وبصومن والله يهدين
مشكوور على المجهود الرائع
جعله الله في ميزان حسناتك
تقبل مروري

shahed

MISS_OSHO · 11-06-2008, 09:01 PM

الأول علشان اجاوبك ع سؤالك احب أوضح ايه هو مفهوم الاحترام من وجهة نظرى
هوأن تعامل الآخرين بالطريقة التي تحب أن يعاملوك بها،وأن تحب لهم ما تحب لنفسك،وان تفكر بالأخر بطريقة اكثر ايجابية كما تلتزم بحقوق الأخرين عليكأما الحجاب وغيره من الأمور فهى جميعا أمور تكون بين علاقة الفتاة وربها امور تعنى مدى التزامها بطاعة الله وخوفها من معصيتهواذا ربطنا هذه الأمور الخاصة بعلاقة الفرد مع الله بالأحترام اللى هوظاهرة بتحصل فى المجتمع هايحصل نوع من النفاق الاجتماعى يعنى البنات هاتعملكده علشان الكل يقول عليها انها محترمة وفى الباطن بيحصل كوارث

مشكور يابازمان ع طرحك للموضوع
تقبل مرورى

enasdawoud · 12-06-2008, 09:25 AM

انا من رأيي ان الحجاب فريضة علي المرأة المسلمة ولا نقاش فيها وانا ألوم علي الصديقة التي تقول انها خايفة تلبسه وتتضايق منه فتقلعه تاني اسمحيلي انت لست في وضع الاختيار من الامر شئ ربنا فرضه علينا ليس بها مجال للنقاش اسمحيلي اني اقول ان ايمانك ضعيف ربنا هو اللي خلقك واحسن صورك اقل شئ تقدر تعمليه هو الطاعة وصدقيني ان الله له حكمة في ذلك فقد اراد لنا نحن النساء العفة فجسدنا ليس قابل للعرض علي الناس اين عفتك وحيائك وبعدين تفتكري ان شعرك هو اللي هيخليكي جميلة صدقيني وعن تجربة الحجاب بيعطي نور للوجه بدرجة جامدة جدا وجربي

حلوة شقية · 12-06-2008, 01:42 PM

في الاول انا قلت صحبتي ولعلمك انا محجبة من سنتين ودلوقتي في التالتة وكمان الحجاب المفروض يتحضرله لانه مش سهل يعني لو واحدة لبست ضيق وحجاب تبقي محترمة ولو واحدة لابسة نص كم ومش محجبة تبقي قليلة الادب الحجاب اذا كنتي واخداه بجدية وبعدين اذا كنا مش خايفين ربنا مكناش فكرنا في الحجاب ولا يعني انتي تقصدي ايه يا ريت تقرأي الموضوع تاني وتفهميه كويس وتبقي تردي لان الحجاب ده مش لعبة تقلعيه وتلبسيه علي مزاجك ومش فجأة كده تقولي انا هالبس الحجاب لانه فرض بس فرض كمان انك تحترميه ومتلوميش واحدة عشان بتحضر انها تلبس الحجاب لانه مش لعبة وياريت متضايقيش من كلامي

**BazMan** · 13-06-2008, 04:10 PM

أولا يا جماعة نورتونى كتييير بس الحكاية مش خناق ده نقاش ممكن فكرة المووع تبقى غلط أو مطروح غلط

أنا عايز اللى يدخل يشرح وجهة نظره ومش شرط يتقد بالموضوع

auota · 13-06-2008, 08:56 PM

فعلا يا بازمان انا حاسه انى دخلت خناقه
بس انا رايىء انك عندك حق فى معظم كلامك وليا رايىء فى الحب اساسا انه مينفعش نحب واحنا مش متاكدين اننا حنتجوز اللى حنحبه ده وما تحتويه الكلمه((ألحب)) من خروجات علشان بنوحش بعض وكلام فى التليفون علشان نطمن ع بعض و...و........ كفايه لحد هنا وانت فاهم الباقى وانا مش مقتنه ان اتنين ممكن يحبو بعض من غير ما يحصل شيىء حرام مش قصدى فاحشه والعياذ بالله ولكن انا مش عارفه ازاى ممكن واحده تجوز واحد وهى حبت قبله وخرجت مع حد قبله وقالت كلام حب لحد غيره ممكن اكون تفكيرى قديم بس انا بحاول افكر مش جايه نهائى
اما بالنسبه لموضوع الحجاب ففعلا ناس كتير مش محجبه ومحترمه بدليل امهاتنا الحجاب ع ايامهم مكانش منتشر وكانوا محترمين وربونا احسن تربيه
انا برضو بقصد ان ممكن بنت محجبه تلبس ضيق فى حين بنت مش محجبه وتلبس لبس عادى وفى محجبات كتيررررر ابشع من ناس مش محجبه
والاهم اننا نعرف يعنى ايه احترام اساسا زى ما قالت اوشو
ميرسى بازمان دايما متميز
تقبل مرورى

بنت السلطان · 14-06-2008, 03:14 PM

بصو بقى انا اعرف بنات كتير محجبين بس مش محترممين واعرف بنات مش محجبين ومحترمين جدا ومينفعش تربط الحترام مع الحجاب يعنى انتا عايز تفهمنى ان اى بنت تلبس الحجاب ادام الناس تبقى محترمه ومحدش يجيب سرتها بأى حاجه والله ما كنا غلبا واهوو نخلص نفسنا من المشاكل ونخرج براحتنا وميهمناش حد واروح اقابل واحد والى يقول الى ان انا بعمل حاجه غلط اقوله ( بس دا انا محجبه خد بالك انتا مش شايف الحجاب ولا ايه ) بجد مينفعش
ويعنى اى بنت محجبه معصومه من الخطأ ومن اى شاب يبص عليها ويعاكسها دا والله المنقبين بيتعكسو ياريت تفكروو

فى الموضوع تانى
ومتظلموش البنات الى مش محجبين
مرسى ياباز مان على الموضوع

**BazMan** · 14-06-2008, 08:52 PM

والله يا جماعة ردودكم نورتنى كتير بس برده أنتم مركزين على مسألة الحجاب بس وأنا قلت مش عايز حد يتقيد باللى مكتوب فى الموضوع وعايزكم تشرحوا الأحترام من وجهة نظركم أيه مسألة الحجاب مش هيه النقطة الأساسية كلنا عارفين أن لبس البنت مش هوه أساس أحترامها ولكن اللبس الشرعى فرض

يا ريت تشرحوا وجهة نظركوا بطريقة واسعة شويه عن كده