ما هى الصداقه من وجهه نظركم بين الولد والبنت ؟؟؟؟؟؟ محتاجه ردكم - Ya Melody

monamour · 04-10-2006, 12:04 AM

انا عارفه ان الصداقه اهم حاجه فى الدنيا واحلى حاجه وكنت بفضل اوقات صداقه الولاد بحس انها بتبقى احسن من صداقه البنت ده بالنسبه للبنات والعكس صحيح على الاقل مبيبقاش فى نفاق او غيره المهم انا كنت فاكره ك

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك للمتابعة وإذا لم تكن فيمكنك تسجيل عضوية جديدة مجانا ً ( من هنا )

CHEVOoO · 04-10-2006, 01:21 AM

صدقينى منامور الصداقة بين الولد والبنت غير موجودة نظرا لإختلاف الجنسين لإن كل جنس من الأخر لى ميول للجنس الأخر إستحلة تكون صداقة ولو كان فى وإتحولت إلى حب تعتبر من وجة نظرى أنا أكثر قصص الحب فشلاااا فى المستقبل وإن كنتى إنتى جربتى صداقة مع الأولاد وهمة فهموها غلط فدة عزر ليهم والغلط يعتبر عليكى متزعليش منى بس هوة دى الحقيقة من الأفض تكون علاقة بأاأولاد علاقة زمالة ودى هتحسي بفرقها لو جربتيها يا منامور الصداقة دى شئ كبيييييييير جدا صعب يتحط بين شيئين مختلفين.....( الولد & البنت)

بيكو 2000 · 04-10-2006, 03:58 PM

مع الاسف يا اخ شيفو انا مختلف معاك
احنا طبعا كلنا عندنا ميول للجنس الاخر زى ما انت بتقول بس ربنا ادانا عقل عشان نميز زنتحكم فى ميولنا دى الصداقة تبقي صداقة والحب يبقي حب والا نبقي زينا زى الحيوانات عديمة التمييز
وانا اسف فى التشبيه
بس لو مقدرناش نميز الشخص ده بالنسبالنا ايه صديق ولا حبيب او اى حاجة تانية نبقي زينا زى الحيوانات
وانا اعتقد ان الصداقة بين الولد والبنت هى هى ونفس الشيء زى الحب بين الولد والبنت
بس بتختلف فى حاجة وهى ان الصداقة مبيبقاش فيها غيرة
يعنى انا لما اكون بكلم بنت بصفة اننا اصدقاء وجه صديق تالت او حد تالت وكلمها وانا واقف طبعا مش هغير لان مفيش بينى وبينها اى حاجة تخلينى اغير
علاقتنا اصدقاء بنحاول نحل مشاكل بعض ونخرج بعض من مود الحزن او اى مود تانى مش لطيف
بس كده هو ده رايي الفرق بين حب وصداقة الغيرة بس كل حاجة تانية موجودة التضحية موجودة والاخلاص موجود وكل احساس تانى مشترك بين الحب والصداقة بيكون موجود بس وجه الاختلاف بينهم بيكون الغيرة ولو فى طرف منهم غار ع التانى فى يوم من اى موقف او اى حاجة يبقي قطعا العلاقة من ناحيته اتحولت لحب بصرف النظر عن راى الطرف التانى
بس ده فى النهاية بيرجعلك يا monamour انتى تبقي قابلة من الشخص ده اعتقاده ده ولا لا
ولو مش قابلة منه كده بلاش تسكتى قوليله علاقتنا مش اكتر من صداقة عشان يفوق من وهمه وانتى كمان ترتاحى اما تطلعى انتى غلطانة ف الاخر زى ماقال الاخ شيفو فانا اسف انا مش معاك فى رايك
هى مش ذنبها انها انسانة رقيقة وقربت من حد وحاولت تحل مشاكله بحسن نيه والحد ده فهم قربها منه غلط وترجمه بمفهوم تانى وواجبها فى اللحظة دى انها تصحيه من الوهم اللى هو عاشه ومش بذنبها ده ذنبه هو انه مقدرش يميز بين الصداقة والحب.
ارجو النقد ميزعلش حد منى والصداقة هتفضل اجمل شيء فى الوجود بعد الحب
شكرا ع الموضوع الجميل ومنتظر جديد
بيكاسو

CHEVOoO · 04-10-2006, 05:45 PM

يا بيكاسو صدقنى إنتة لفيت ووصلت لنفس المعنى إلى انا عاوز أقولة وقايلة هنا بس عاوز أوضحلك حاجة إن صدقنى الكلام إلى هية قالتة إن هوة كان مايل ليها وهية كانت مبسوطة من كدة بس لاقت ممكن الموضوع يقيدها وممكن تكون شافت إن مش هوة دة المناسب وعارف لية علشان عاملتوا على إنة صديق فعرفت عيوبة ومميزاتة صدقنى أنا شايف إن هوة دة إلى حصل ومتديقيش منامور من كلامى
وهية غلاطاتنا كلنا وكلنا بنغلط بس المهم نصلح من نفسنا ومنامور ملهاش خبرة فى الحياة جامدة
واتمنى إن قصدى من الموضوع يكون وصل

بيكو 2000 · 04-10-2006, 06:03 PM

كلام جميل مع انى مش قادر افهمك
وبيتهيالى انت قلت رايك فى مونامور وهى اللى المفروض ترد ع الكلام ده مش انا
بس دى وجهات نظر واحلى ما فيها ان كلنا نختلف ونتناقش

monamour · 04-10-2006, 07:47 PM

بجد بجد بشكركم قوى انكم رديتوا عليا بس بجد بيكاسو انت قلت كل اللى جوايا وكل اللى انا حاسه بيه وانا فعلا قايلاله اننا اصحا واخوات من اول ما اتكلمنا وبقولها كتير وكمان هو المفروض انه خارج من قصه حب بس لسه بيحبها قوى وانا بقولى حاول ترجعلها ما دام انت بتحبها وحاول تعرف سابتك ليه وكده بس بجد مش عارفه اعمل ايه هل انا غلطانه انى بقف جنبه وهو مضايق ومحتاج حد يتكلم معاه ؟ هل المفروض لما الاقى حد مضايق ومحتاج حد يتكلم معاه اقول وانا مالى ؟؟؟؟ بجد انا مبقتش عارفه اعمل ايه ؟ ولا كمان كنت بكلمه فكان عايز رقم موبيلى فقلتله انا مرتبطه ولازم استاذن منه الاول حسيت انه اطصدم لما عرف انى مرتبطه وقالى انتى مقلتليش من الاول ليه قولتله بس انت مسالتنيش مينفعش اجى اقول حاجه زى كده من غير ماتسالنى ؟؟؟؟ بجد انا بقيت محتاره قوى ومش عارفه اعمل ايه ؟؟؟ وبالنسبه لراى شيفو شكرا انك رديت بس انت مفهمتش انا قصدى ايه وفهمتنى غلط قوووووووى .....

بيكو 2000 · 04-10-2006, 10:04 PM

متشكر جدا يا مونامور على كلامك ولا كلامك واضح مش كيميا يعنى سهل يتفهم
بس صدقينى انتى مش غلطانة فى حاجة
انتى انسانة رقيقة وحساسة ومش ذنبك انك قربتى من حد كصديقة وهو مقدرش كده او ترجم قربك ليه بصورة تانية
وانتى زى ماقلتى مرتبطة واكيد بتحبي اللى انتى مرتبطة بيه ومش مكلفة انك كل ما تكلمى حد تقوليله انك مرتبطة بالشاب الفلانى
لو هو اهتم وسال اكيد هتقولى بس لو مسألش يبقي هتقولى ليه
انتى مغلطيش واحساسك وشخصيتك دى متغيريهاش احنا مفتدقين البنات الرقيقة اليومين دول
ونادر اول لما نلاقي لسة ناس منهم موجودة بس رايي انك اول ما تلاقي حد كده مش فاهمك وبيفهم حاجات غريبة انتى مش حاساه ناحيته فصدقينى ابعدى عنه احسنلك او مش تبعدى تجنبيه بس او احذرى من تصرفاتك معاه مش اكتر
وربنا يوفقك
بيكاسو

monamour · 05-10-2006, 04:54 PM

ميرسيه على رايك يا بيكاسو بجد انا بيعجبنى رايك قوى لان بجد انت فاهمنى قوى وميرسيه انك اهتميت ورديت ميرسيه مره تانيه وربنا يوفقك ......... يااااااااارب

بيكو 2000 · 05-10-2006, 05:22 PM

ربنا يخليكى متشكرنيش كامليا ده واجبي ناحيتك وناحية اى حد واقع فى مشكلة
ربنا يوفقك ومشكلتك تتحل وتخرجى منها مش خسرانة حاجة
وكل سنة وانتى طيبة

romancy_gden · 05-10-2006, 06:00 PM

مبقتنعش بين صداقة الولد والبنت لاكن افضل يبقى فى علاقة حب افضل

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)