الفراغ العاطفى .................. - Ya Melody

monamour · 05-10-2006, 06:22 PM

الفراغ العاطفى موضوع بجد منتشر قوى الايام ديه يا ترى ايه سببه ؟؟ بجد الفراغ العاطفى مشكله جامده قوى وللاسف بتواجه شباب كتيررر قوى سواء بنات او ولاد بس يا ترى ايه حلها .... من وجهه نظر كل واحد فيكم ؟

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك للمتابعة وإذا لم تكن فيمكنك تسجيل عضوية جديدة مجانا ً ( من هنا )

بيكو 2000 · 05-10-2006, 06:39 PM

اقلك انا monamour ليه الفراغ العاطفى موجود اليومين دول وكتير اوى
عشان كله فاهم الحب غلط.. الكل فاهم الحب امتلاك زى منتى كنتى بتسالى
لو كلنا قعدنا مع نفسنا وفكرنا اد معنى الكلمة دى جميل وشامل كل احساس لطيف بنحس بيه فى حياتنا
صدقينى كلمه الفراغ العاطفى دى هتنقرض
لان الكل ساعتها هيعرف يحسبها صح وازاى يرسمها صح
ازاى فى اى علاقة حب بجد كل طرف واهب روحه للتانى بدون اى تفكير ولا باقي على حاجة وده لانه مقابل انه هيديله روحه فهو هيعيش مع الانسان اللى حبه بكل حاجة فيه
الانسان اللى حس ناحيته بكل احساس جميل
الانسان اللى متمناش حاجة من الدنيا الا ان ربنا يوفقهم ويكونا مع بعض
صدقينى لوفهمنا يعنى ايه حب مش هيبقي فى فراغ عاطفى بالمرة
بس اللى بيحصل النهاردة ان معظمنا ومش هقول كلنا,, معظمنا بيحسبها بشكل مادى مش عاطفى
ازاى يعيش مع الحد اللى مرتاح ماديا اللى هيعيش معاه حياة مرتاحة ماديا مش عاطفياوده لان زمانا ده بقي زمن المادة والحب بالطريقة دى بقي عبارة عن صفقة مش مشروع حياة
وهو ده اللى مزود حدوتة الفراغ العاطفى النهاردة لاننا حسبناها بحساب المادة مش العاطفة
بس لو رجعنا لنفسنا وغيرنا منها وعرفنا نميز بين الحب والمادة صدقينى هنكسب كتير
احنا بجد النهاردة محتاجين للحب.
مواضيعك شيقة فعلا
اخوكى بيكاسو

monamour · 06-10-2006, 04:59 AM

ميرسيه جدا يا بيكاسو على اعطاء رايك فى مواضيعى ويارب مواضيعى تحوز اعجاب الجميع وربنا يخليك وانت كمان مواضيعك تجنن ربنا يوفقنا كلنا ان شاء الله وميرسيه مره تانيه على تواجدك الدائم فى مواضيعى وبجد رايك بيعجبنى قوى وبيهمنى قوى .........

CHEVOoO · 06-10-2006, 11:46 AM

عارفة monamour لية فى فراغ عاطفى علشان الشباب عندهم فى عقلهم فراغ مش بيفكروا غير فى حاجة واحدة نسيوا كل مشكلهم كلها وقعدوا علشان يحبوا طب طالب فى الجامعة يملك إية يدية لواحدة
علشان يقلها بحبك كلمة بحبك دى يا جدعان مسؤلية وللأسف بقت عادة إلى ميلحقش يقول بحبك لواحدة يبقى مش عايش ومعقد كل واحد عاوز الحب يجيلة مش عاوز يدور ويتعب ولما يجيلة ويقول الحبي دة مش مناسب
صدقينى الفراغ العاطفى جاى من مواضيع كتيرة وأتمنى كلة يوصلة الفكرة إلى أنا اقصدها وشكرا ليكى علشان فتحتى الموضوع دة

بيكو 2000 · 06-10-2006, 02:39 PM

كلام جميل ياشيفو بس اسمحلى
احنا مش مخلوقات آليه مبرمجين اننا منحبش ولا نعرف يعنى ايه الحب الا بعد ما نخلص جامعة ونشتغل ساعتها نبقي نحب
الحب ملوش وقت وملوش عمر الحب احساس بيجى فى اى لحظة واجمل حاجة فيه انه بييجى فى اللحظة اللى انت مش مستعدلها
يعنى مثلا انا مش مطالب انى اخلص جامعة الاول وبعد كده احب ساعتها الحب هيبقي زى حاجة تقليدية او مرحلة فى حياتى زيها زى الجامعة
بس مشكلتنا اننا او معظمنا لما بنحب سواء فى الجامعة او بعد الجامعة مش بنحسبها صح وده وارد
بس نقطة انى محبش الا بعد ما اخلص جامعة ويبقي فى ايدى حاجة عشان احب بيها اسمحلى مش موافقك
لو ركزت فى كلامك هتلاقى ان هو ده الفراغ العاطفى بنفسه وهو انى هفضل حارم نفسي من الحب 21 سنة لحد ما هخلص جامعة واقول لما يبقي بايدى حاجة بالذمة مش ده يبقي فراغ عاطفى بردو
ده رايي وانا مقتنع بيه وياريت ميزعلش حد منى
بيكاسو

**URWAYFORLOVE** · 07-10-2006, 05:19 PM

يا جماعة الفراغ العاطفى دة مش موضوع بين الشباب والبنات الجامعين بس دة موضوع بيعانى منة ناس متجوزة كمان يعنى تقدروا تقولوا معظم المتجوزين عندهم فراغ عاطفى والموضوع دة لية اسباب كتير منها الاهمال فى الحب او فهم الحب غلط زى ما قال بيكاسو او مشاكل مادية وظروف الحياة الصعبة ومستوى المعيشة المتدنى وعدم وجود تواصل بين اى طرفين بيحبوا بعض او مفيش تجديد لقصة حبهم وانا اعتقد الحل للمشكلة دى بفهم الدين صح ونشوف الرسول صلى اللة علية وسلم كان بيعامل زوجاتة ازاى ونشوف القرءان بيقول اية سعتها النسبة هتقل اوى . والحب بين الصبيان والبنات الجامعين دلوقت يعنى تقدرى تقولى معظمة برضوا حب فاشل يعنى فية شباب كتير مش بيقدروا كلمة حب زى ما قال شيفو وبرضوا فية بنات كدة ممكن بيحبوا بعض عشان عايزين يعيشوا الاحساس وبس وبعدين الانسان اللى يقول كلمة بحب يبقى قد المسءولية يبقى انسان طموح مش كل سنة يسقط فى الكلية ويقول بحب والبنت تكون لسة بتحبة يعنى بالاصح انسان يعتمد علية ساعتها يحب زى ما هو عايز لان كلمة حب بجد مش مجرد حرفين لازقين فى بعض دى كلمة كبيرة مش سهلة .الانسان اللى بيقول بحب معناها انة خلاص مبقاش ملك لنفسة بقى ملك لحبيبة لان الحب دة رابط قوى جداااااااااااااا .فالمفروض محتاج تفكير جدا عشان نطلع الكلمة ونكون قدها فعلا . شكرا لموضوعك وربنا يوفقك

MOSTAFA1990 · 07-10-2006, 05:49 PM

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)