يالا نبتدي الغرز الشغل التقيل
ملاحظات هامة قبل الشغل في الغرز المختلفة
1 ) علشان يكون شكل الشغل منظم وحلو لازم يكون أتجاه الشغل واحد بمعنى أذا أشتغلت من جهة قاعدة الوردة في النموذج ونتجه بالشغل للخارج (من الداخل للخارج ) لازم ومستحب نشتغل كل النموذج بنفس الطريقة علشان نوحد أتجاه الغرز بتعطي شكل جميل للشغل
2) أذا كنا بنشتغل بخيط جنجاه (لون متدرج من الفاتح للغامق حوالي 5 درجات من نفس اللون ) من المستحب أن نبدأ الشغل بالغامق ليتدرج اللون معانا للفاتح فسيظهر الشغل حلو قوي ونشتغل المفرش كله بنفس الطريقة هتعطي نتيجه مذهلة كالشكل المعروض في الصفحة رقم 1
أولا" غرزة النسيج
وهى عباره عن فستونات متداخله ومتشابكه مع بعضها فتظهر مثل نسيج القماش
1) نمد خيط فردى من النقطة 1 و 2 موازي لقاعدة الورقة ( هنشتغل من الداخل للخارج ) وهنعمل فستونات لأخر الخط زي الطريقة اللي فاتت ولكن لازم نشبك الأول في حرف شريط اللاسيه اللي بقاعدة الورقة والخط اللي مدناه ولازم تكون العقد واسعه شوية صغيرة عن الفستونات اللي فاتت علشان في الخطوة اللي جاية
****هشتغل في الصوراللي جاية بالعرض مش من قاعدة الورقة علشان لأن قاعدة الورده صغيرة وعايزة يكون في مساحة أكبر أوضح لكم طريقة الشغل بس
الصورة اللي جاية بتدخل الأبرة في رقم 1 ( شريط اللاسيه ) وبتمر من تحت الرقم 2 ( الخط اللي مدناه موازي لشريط اللاسيه)
وبنكرر الشغل علشان نحصل على الفستونات اللي في الصورة اللي جايه
2)نمد خط تاني يوازي خط الفستونات اللي فات ونعمل عليه فوستونات زي اللي فاتت لكن نشبك في خط الفوستونات اللي فات عن طريق تمرير الأبرة من خلال الفستونه اللي تحتها على طول وده سبب أننا عملنا الفستونات واسعه شوية
في الصورة اللي جايه رقم 1 هو خط الفستونات اللي أشتغلناه ورقم 2 هو الخط الجديد اللي مدناه موازي له
في الصورة اللي جايه رقم 1 بنمرر الأبرة بداخل الفستونه اللي تحت ورقم 2 هو الخط الجديد وبنمررالأبرة من تحته
وفي الصورة اللي جايه خلصنا السطر التاني
* ولما نشتغل السطر الأخير لازم نشبكه في شريط اللاسيه زي أول سطر
وفي الصورة اللي جايه كملنا الشغل كله ودة شكله النهائي
دورة لاسيه .....................أتفضلي (تابعى) 
بنوتة عسولة حتعضك لوفكرت تمشى من غيرماترد
