مكتبة كلمات أغاني كوكب الشرق أم كلثوم ( متجدده باستمرار ) - الصفحة 5 - Ya Melody

سمو البرنس وائل · 21-03-2007, 11:07 AM

كوكب الشرق
أم كلثوم

أنا في انتظارك

بيرم التونسي
زكريا احمد

أنا في انتظارك خليت
ناري في ضلوعي وحطيت
إيدي على خدي وعديت
بالثانية غيابك ولا جيت
يا ريتني عمري ما حبيت

عايز أعرف لا تكون غضبان
أو شاغل قلبك انسان
خليتني من يأسي أقول
الغيبة دي غيبة على طول
واتفكر إيه اللي جنيت
من ذنب يسيئك ما لقيت
يا ريتني عمري ما حبيت

اتقلب على جمر النار
واتشرد ويا الأفكار
النسمة أحسبها خطاك
والهمسة أحسبها لغاك
على كده أصبحت وأمسيت
وشافوني وقالوا اتجنيت
يا ريتني عمري ما حبيت

توعدني بسنين وايام
وتجيني بحجج وكلام
وتسلم وتمر قوام
او تخلف وتقول لي نسيت
يا ريتني عمري ما حبيت

الى اللقاء مع كلمات الاغنيه القادمه
تقبلوا تحياتي

سمو البرنس وائل · 21-03-2007, 11:09 AM

كوكب الشرق
أم كلثوم

إنت الحب

احمد رامي
محمد عبد الوهاب

يا ما قلوب هايمه حواليك
تتمنى تسعد يوم رضاك
وانا اللى قلبى ملك ايديك
تنعم وتحرم زى هواك
الليل على طال بين السهر والنوح
واسمع لوم العزال اضحك وانا مجروح
وعمري ما اشكي من حبك
مهما غرامك لوعني
لكن أغير م اللى يحبك
ويصون هواك أكتر مني

أول عنيه ما جت في عنيك
عرفت طريق الشوق بيننا
وقلبى لما سألت عليك
قاللي دي نار حبك جنه
صدقت قلبى في اللي قاله لي
لكن غرامك حيرنى
وطول بعادك سهرني
تجرى دموعي وأنت هاجرني
ولا ناسيني ولا فاكرني
وعمري ما اشكي من حبك
مهما غرامك لوعني
لكن أغير م اللى يحبك
ويصون هواك أكتر مني

أهواك في قربك وف بعدك
واشتاق لوصلك وأرضى جفاك
وإن غبت احافظ على عهدك
وأفضل على ودي وياك
يورد على خاطرى كل اللى بيننا اتقال
ويعيش معاك فكرى مهما غيابك طال
واحشنى وانت قصاد عينى
وشاغلني وأنت بعيد عني
والليالى تمر بى بين أماني وبين ظنون
وأنت يا غالى على كله في حبك يهون
وعمري ما اشكي من حبك
مهما غرامك لوعني
لكن أغير م اللى يحبك
ويصون هواك أكتر مني

ولما أشوف حد يحبك
يحلالي أجيب سيرتك وياه
واعرف جرى له ايه في حبك
وقد إيه صانه ورعاه
اسأله إن غبت عنه يا حبيبي
اشتاق إليك قدي أنا
وإن جافيته يا حبيبي
يسهر الليل ويناجيك زيى انا
ألاقى قلبى أنا حبه
ما جه على بال
لا عن هواك له غنى
ولا يوم لغيرك مال

أنت الأمل اللي احيا بنوره
عمره ما يبعد يوم عن عينى
وانت الشوق اللى اسمع صوته
لما تغيب عنى ينادينى
وانت الحب اللى ما فيش غيره
لو يسعدني أو يشقيني
وعمري ما اشكي من حبك
مهما غرامك لوعني
لكن أغير م اللى يحبك
ويصون هواك أكتر مني

الى اللقاء مع كلمات الاغنيه القادمه
تقبلوا تحياتي

سمو البرنس وائل · 21-03-2007, 11:12 AM

كوكب الشرق
أم كلثوم

أنت عمري

احمد شفيق كامل
محمد عبد الوهاب

رجعوني عنيك لأيامي اللي راحوا
علموني أندم على الماضي وجراحه
اللي شفته قبل ما تشوفك عنيه
عمر ضايع يحسبوه إزاي عليّا
أنت عمري اللي ابتدى بنورك صباحه
اللي ابتدى بنورك صباحه
أنت ... أنت .. أنت عمري

قد إيه من عمري قبلك راح
وعدّى يا حبيبي
قد إيه من عمري راح
ولا شاف القلب قبلك فرحة واحدة
ولا داق في الدنيا غير طعم الجراح
ابتديت دلوقتي بس أحب عمري
ابتديت دلوقتي أخاف لا العمر يجري
كل فرحه اشتاقها من قبلك خيالي
التقاها في نور عنيك قلبي وفكري
يا حياة قلبي يا أغلى من حياتي
ليه ما قابلتش هواك يا حبيبي بدري
اللي شفته قبل ما تشوفك عنيه
عمر ضايع يحسبوه إزاي عليّ
أنت عمري اللي ابتدى بنورك صباحه
اللي ابتدى بنورك صباحه
أنت ... أنت .. أنت عمري

الليالي الحلوه والشوق والمحبة
من زمان والقلب شايلهم عشانك
دوق معايا الحب دوق حبه بحبه
من حنان قلبي
اللي طال شوقه لحنانك

هات عنيك تسرح في دنيتهم عنيه
هات ايديك ترتاح للمستهم ايديه
يا حبيبي تعالى وكفاية اللي فاتنا
هو فاتنا يا حبيب الروح شويه
اللي شفته قبل ما تشوفك عنيه
عمر ضايع يحسبوه إزاي عليّ
أنت عمري اللي ابتدى بنورك صباحه
اللي ابتدى بنورك صباحه
أنت ... أنت .. أنت عمري

يا أغلى من أيامي
يا أحلى من أحلامي
خدني لحنانك خدني
عن الوجود وابعدني
بعيد بعيد أنا وأنت
بعيد بعيد وحدينا
ع الحب تصحى أيامنا
ع الشوق تنام ليالينا

صالحت بيك أيامي
سامحت بيك الزمن
نستني بيك آلامي
ونسيت معاك الشجن
رجعوني عنيك لأيامي اللي راحوا
علموني أندم على الماضي وجراحه
اللي شفته قبل ما تشوفك عنيه
عمر ضايع يحسبوه إزاي عليّا
أنت عمري اللي ابتدى بنورك صباحه
اللي ابتدى بنورك صباحه
أنت ... أنت .. أنت عمري

الى اللقاء مع كلمات الاغنيه القادمه
تقبلوا تحياتي

سمو البرنس وائل · 21-03-2007, 11:15 AM

كوكب الشرق
أم كلثوم

انتي فاكراني ولا ناسياني

احمد رامي
محمد القصبجي

انتي فاكراني ولا ناسياني
ياللي ظالماني .. ياللي هاجراني
انتي فاكراني ولا ناسياني

الحنين فاض بي والبعاد طول
والهوى في قلبي زاد عن الأول
اوعي تفتكري قلبي يتحول
ياللي ظالماني .. ياللي هاجراني
انتي فاكراني ولا ناسياني

إمتى يتمتع .. بالوصال قلبي
والزمان يسمح .. بالهنا في حبي
ده الفراق آسي والشجن زاد بي
ياللي ظالماني .. ياللي هاجراني
انتي فاكراني ولا ناسياني

طال عليا الليل .. اشتكي وجدي
زاد عليا الويل في السهر وحدي
وانتي ليه ترضي بالهوى في بعدي
ياللي ظالماني .. ياللي هاجراني
انتي فاكراني ولا ناسياني

ارحمي قلبي .. واسألي عني
الغرام زال واشتكى .. واشتكى مني
إمتى تصفي لي وابقى متهني
ياللي ظالماني .. ياللي هاجراني
انتي فاكراني ولا ناسياني

الى اللقاء مع كلمات الاغنيه القادمه
تقبلوا تحياتي

سمو البرنس وائل · 21-03-2007, 11:18 AM

كوكب الشرق
أم كلثوم

أنساك يا سلام

مأمون الشناوي
بليغ حمدي

أنساك .. دا كلام
أنساك .. يا سلام
أهو دا اللي مش ممكن أبدا
ولا أفكر فيه أبداً
دا مستحيل
قلبي يميل
ويحب يوم غيرك
أبداً .... أبداً
أهو دا اللي مش ممكن أبداً

ولا ليله ولا يوم أنا دقت النوم أيام بعدك
كان قلبك فين
وحنانك فين
كان فين قلبك
أنا أنسى جفاك
وعذابي معاك
ما نساش حبك
أنساك .. دا كلام
أنساك .. يا سلام
واحب تاني ليه
واعمل في حبك إيه
دا مستحيل قلبي يميل
ويحب يوم غيرك أبداً
أهو دا اللي مش ممكن أبداً

ذكريات حبي وحبك ما انساهاش
هي أيامي اللي قلبي فيها عاش
فيها أحلامي قلتها وحققتها لي
فيها أحلامي لسه أنا ما قلتهاش
اللي فات من عمري
كان لك من زمان
واللي باقي منه
جاي لك له أوان
واحب تاني ليه
واعمل في حبك إيه
دا مستحيل قلبي يميل
ويحب يوم غيرك أبداً
أهو دا اللي مش ممكن أبداً

كان لك معايا
أجمل حكايه في العمر كله
سنين بحالها
ما فات جمالها على حب قبله
سنين ومرت
زي الثواني في حبك أنت
وان كنت اقدر
أحب تاني .. احبك أنت
كل العواطف الحلوه بينا
كانت معانا حتى في خصامنا
وازاي تقول أنساك واتحول
وانا حبي لك أكتر من الأول
واحب تاني ليه واعمل في حبك إيه
دا مستحيل قلبي يميل ويحب يوم غيرك أبداً
أهو دا اللي مش ممكن أبداً

الى اللقاء مع كلمات الاغنيه القادمه
تقبلوا تحياتي

سمو البرنس وائل · 17-04-2007, 04:26 AM

كوكب الشرق
أم كلثوم

أهل الهوى

بيرم التونسي
زكريا احمد

أهل الهوى يا ليل
فاتوا مضاجعهم
واتجمعوا يا ليل
صحبه وأنا معهم
يطولوك يا ليل
ويقصروك يا ليل
يطولوك يا ليل من اللي بيهم
وانت يا ليل بس اللى عالم بيهم
فيهم كسير القلب والمتألم
واللي كتم شكواه ولم يتكلم
واللي قعد بعد الحبايب وحده
وبات حزين يشكي هيامه ووجده
يشكو ولا مخلوق سمع شكواهم
إلا الكواكب فى السما سمعاهم
يطولوك يا ليل بالسهد والأفكار
والشمس بعد الليل يطلع عليهم نهار
وبعد طول الويل تعود لهم ياليل

ويقصروك ياليل فى صحبه هنيه
على وتر رنان فى الصبحية
فيهم ياليل خل عطف على خله
ويقوله لحن الشوق وخله يقول له
ويقصروك ياليل على هنا وسرور
والشمس بعد الليل يطلع عليهم نور
ويسألوك ياليل امتى تعود ياليل
ناس من قلوبهم تقول ياليل
وناس على الأرغول تقول ياليل
واحنا معانا بدر طالع فى ليلة قدر
فيها حبيب القلب وافا ووفى الندر
هو يقول ياليل واحنا نقول ياليل
وكلنا بنقول ياليل أهل الهوى ياليل

الى اللقاء مع كلمات الاغنيه القادمه
تقبلوا تحياتي

سمو البرنس وائل · 17-04-2007, 04:32 AM

كوكب الشرق
أم كلثوم

أوقدوا الشموس

طاهر أبو فاشا
محمد الموجي

اوقودوا الشموس
انقروا الدفوف
موكب العروس
في السما يطوف
والمنى قطوف
انقروا الدفوف

الرضا والنور
والصبايا الحور
والهوى يدور
آن للغريب أن يرى حماه
يومه القريب شاطئ الحياه
والمنى قطوف
في السما تطوف
انقروا الدفوف

طاف بالسلام
طائف السلام
يوقظ النيام
عهده الوثيق واحة النجاه
أول الطريق هو منتهاه
والمنى والقطوف
في السما تطوف
انقروا الدفوف

الى اللقاء مع كلمات الاغنيه القادمه
تقبلوا تحياتي

سمو البرنس وائل · 17-04-2007, 04:35 AM

كوكب الشرق
أم كلثوم

بعيد عنك

مأمون الشناوي
بليغ حمدي

نسيت النوم ......واحلامه
نسيت لياليه ......وايامه
بعيد عنك ...... حياتي عذاب
ما تبعدنيش بعيد عنك
ماليش غير الدموع احباب
معاها بعيش بعيد عنك
غلبني الشوق وغلبني
وليل البعد دوبني
ومهما البعد حيرني
ومهما السهد سهرني
لا طول بعدك يغيرني
ولا الأيام بتبعدني بعيد عنك

لا نوم ولا دمعه في عنيه
ما خلاش الفراق فيه
نسيت النوم واحلامه
نسيت لياليه وايامه
وبين الليل والامه
وبين الخوف وأوهامه
بخاف عليك.... وبخاف تنساني
والشوق اليك على طول صحاني

افتكرلي لحظه حلوه
عشنا فيها للهوى
وافتكرلي مره غنوة
يوم سمعناها سوى
خد من عمري
عمري كله
الا ثواني اشوفك فيها
الشوق ....اه من الشوق
اه.....وعمايله
ياما ياما بداريها ياما ياما
ياما بحكيها ياما ياما

كنت بشتاقلك وانا وانت هنا
بيني وبينك ....خطوتين
شوف بقينا ازاي انا فين
يا حبيبي وانت فين
والعمل ايه العمل
ما تقولي اعمل ايه
والأمـل ... أنت الأمـل
تحرمني منك ليه؟
عيون كانت بتحسدني على حبك
ودالوقت بتبكي عليا من غلبي
وفين انت يا نور عيني
يا روح قلبي فين
فين اشكيلك فين
عندي كلام وحاجات
فين دمعتي يا عين
بيريحني بكايا ساعات
بيريحني بكايا ساعات

بخاف عليك.... وبخاف تنساني
والشوق اليك على طول صحاني
غلبني الشوق وغلبني
وليل البعد دوبني
ومهما البعد حيرني
ومهما السهد سهرني
لا طول بعدك يغيرني
ولا الأيام بتبعدني بعيد عنك

الى اللقاء مع كلمات الاغنيه القادمه
تقبلوا تحياتي

سمو البرنس وائل · 17-04-2007, 04:38 AM

كوكب الشرق
أم كلثوم

ثورة الشك

سمو الأمير عبد الله الفيصل
رياض السنباطي

أكاد اشك في نفسي
لأني أكاد اشك فيك
وأنت منى

يقول الناس انك خنت عهدي
ولم تحفظ هوايا ولم تصني
وأنت بنايا اجمعها ؛ مشت بي
إليك خطى الشباب المطمئن

يكذب فيك كل الناس قلبي
واسمع فيك كل الناس أذني
وكم طافت على ظلال شك
أقضت مضجعي واستعبدتني

كأني طاف بي ركب الليالي
يحدث عنك في الدنيا وعني
على أني أغالط فيك سمعي
وتبصر فيك غير الشك عيني
وما أنا بالمصدق فيك قولا
ولكنى شقت بحسن ظني

وبي مما يساورني كثير
من الشجن المؤرق لا تدعني
تعذب في لهيب الشك روحي
وتشقى بالظنون وبالتمني

أجبني إذا سألت ؛ هل صحيح
حديث الناس خنت؟
ألم تخني؟
أكاد أشك في نفسي
لأني أكاد أشك فيك
وأنت منى

الى اللقاء مع كلمات الاغنيه القادمه
تقبلوا تحياتي

سمو البرنس وائل · 17-04-2007, 04:41 AM

كوكب الشرق
أم كلثوم

جددت حبك ليه

احمد رامي
رياض السنباطي

جددت حبك ليه بعد الفؤاد مارتاح
حرام عليك خليه غافل عن اللى راح

ده الهجر وأنت قريب منى
كان فيه أمل لوصالك يوم
لكن بعادك ده عنى
خلى الفؤاد منك محروم
ياهل ترى
قلبك مشتاق يحس لوعة قلبى عليك
ويشعلل النار والأشواق
اللي طفيتها أنت بأيديك

دنا لو نسيت اللى كان
وهان على الهوان
أقدر أجيب العمر منين
وأرجع العهد الماضي
أيام ماكنا احنا الاتنين
أنت ظالمني وأنا راضي

صعبان على أقول لك كان
والحب زى ما كان واكتر
وأفكر بليالي زمان
وأوصف في جنتها وأصور
انت النعيم والهنا
وانت العذاب والضنى
والعمر إيه غير دول
إن فات على حبنا
سنه وراها سنة
حبك شباب على طول

انت اللي فات بنعيمه
وراح وفات لي طيفه في خيالي
أسهر معاه الليل سواح
عايش على العهد الخالي
وانت اللى فات بضناه وشقاه
وساب لي ناره في ضلوعي
أن مر ع الخاطر ذاكره
تنزل من الوجد دموعى
ياللى قضيت العمر معاك
أرضى بجفاك وأتمنى رضاك
أنت النعيم والهنا
وأنت العذاب والضنى
والعمر ليه غير دول
إن فات على حبنا
سنه وراها سنه
حبك شباب على طول

ياللي هواك في الفؤاد
عايش في ظل الوداد
انت الخيال والروح
وأنت سمير الأمل
ييجنى الزمان ويروح
وأنت حبيب الأجل
وازاى أقول لك كنا زمان
والماضي كان في الغيب بكره
واللى أحنا فيه دلوقت كان
ح يفوت علينا ولا ندرى
ولما أكون وياك هايم في بحر هواك
مااعرفش إيه فات من عمرى
إن كان رضا أو كان كان حرمان
وافضل وبس أنت في فكرى
ياللي بحبك زى زمان
أنت النعيم والهنا
وأنت العذاب والضنى
والعمر ليه غير دول
إن فات على حبنا
سنه وراها سنه
حبك شباب على طول

الى اللقاء مع كلمات الاغنيه القادمه
تقبلوا تحياتي

سمو البرنس وائل · 17-04-2007, 04:45 AM

كوكب الشرق
أم كلثوم

حاسيبك للزمن

عبد الوهاب محمد
رياض السنباطي

حاسيبك للزمن
لا عتاب ولا شجن
تقاسي م الندم
وتعرف الألم
تشكي مش ح اسأل عليك
تبكى مش ح ارحم عنيك
ياللى ما رحمتش عنيه
لما كان قلبي في ايديك
دارت الأيام عليك

الزمن ح يدوقك في البعد ناري
الزمن هو اللي ح يخلص لى تاري
كل غدر وكل ليل سهرتهولى
كل هجر وكل جرح تركتهولي
كله ح ترده الليالي
الليالى عليك بدالى والزمن

يوم من الأيام ح تحتاج عطف قلبي
يوم من الأيام حتتلهف لقربي
وانت مش ح تلاقى ابدا زى حبي
والندم بعدي حيفضل جوه قلبك يألمك
أكتر ما عيش العمر اعاتبك
بكره تتماني أحاسبك
أو ألومك أو اعاتبك
مش ح حاسبك مش ح أعاتبك
لأ دنا كفاية إنى سيبتك للزمن

رايحه اسيبك للي ما بيرحم
ولا تقدر عليه
مش ح اقولك انت عارف
الزمن راح يعمل ايه
الزمن دايما حالات
ياما بيغير حاجات
كل ما بيدور بيبدل
مطرح الضحك الآهات
إشكي مش ح اسأل عليك
إبكي مش ح ارحم عنيك
ياللي ما رحمتش عنيه
لما كان قلبي في ايديك
دارت الأيام عليك

الى اللقاء مع كلمات الاغنيه القادمه
تقبلوا تحياتي