 رد: جربت تبعد عن اصحابك او حبيبتك ادخل وقول رايك
سلام عليكم ورحمة الله وبركاته
إزيك يا محمد وإيه أخبارك , يارب تكون تمام وبخير إن شاء الله دايمآ وألف حمد لله على السلامة وعاش من شافك.
المهم أنا مليش فيه طبعآ لأنى من حزب المنتهية دراستهم لكن لو تسمح لى أشارك معاك فى موضوعك الجميل:
بالنسبة لفراقك لأصحابك فى الأجازة , فأعتقد إن أى واحد مش بينقطع عن أصحابه حتى فى الأجازة لأنه ممكن يزورهم ويزوروه ويسافروا لبعض كمان إن كانوا من بلاد مختلفة ويسافروا مع بعض يصيفوا ولا حاجة, لكن بالنسبة لموضوع إن الواحد يفارق حبيبته ده بقى هو اللى فيه كلام , لأنه طبعآ مش هيروح يزورها فى بيتها ويقول لأهلها أصل انا صديق من الكلية ( وإن كان الموضوع ده بيحصل مع ناس كتير وإيزيى يعنى ) بس ده مش القاعدة إنما هى بضع شواذ عن القاعدة , لكن معتقدش يعنى إن فى حد هيموت من البعد فى 3 أو 4 شهور وخصوصآ إن بلدنا تفضلت مشكورة وخلت السنة كلها دراسة وقربت إن شاء الله تلغى حاجة إسمها الأجازات , يعنى مثلآ تبدأ الدراسة فى شهر9 بكرة إن شاء الله هتبقى فى 8 قول يارب( يارب ) دروس الثانوية العامة تبدأ فى شهر 7 , طبعآ طيب ماهو المدرسين هياكلوا جاتوه منين , طبعآ الباشا مدرس خلاص معدش الباشا تلميز, أوك المدرس طبعآ لازم ياكل الجاتوه ويحلى بالمش آسف أقصد المشمش , 10 و 11 و 12 تبدأ إمتحانات نص السنة تاخد لها لحد شهر 1 تبدأ نص السنة تنتهى الأجازة فى بداية شهر 2 تكون أساسآ الدروس بدأت فى 1فبراير , 3 حفلة تامر حسنى , آسف حفلة عيد ميلاد بنت الدكتور ( اللى بيعالج الناس فى المستشفيات ياعم متفهمنيش غلط وتفتكرنى بتكلم عن الدكتور اللى فى الكلية حاشا لله ) , 4و5 و6 عيد ميلاد الحنتفة آه سورى أقصد عيد ميلاد أبو الفصاد , ماهو دخل فى المقررات الدراسية , 5و6 بداية الإمتحانات تبدأ وتنتهى الحمد لله وكل ده ودروس الثانوية العامة شغالة تخلص الثانوية العامة فى شهر7 اللى برضه هتبدأ فيه دروس الثانوية العامة تانى يعنى الحمد لله السنة مفيهاش أجازات خالص أهو اومال بقى إيه الطمع ده وبتقول إن الناس فى الأجازة مش هيشوفوا بعض؟ طب وهى فين الأجازة دى ؟ ههههههههههههههههههههه
أنا طولت عليك فى شرح النظرية الجديدة وهى اللى كنت بحاول أثبتها بخطوات التفكير العلمى السابقة وهى إن كل الناس تتخيل نفسها فى ثانوية عامة وبكدة مشكلة الأجازة هتتحل ههههههههههههههههههههههههه
مشكور محمد وآسف إنى طولت عليك فى الرد بس بجد موضوعك جميل قوى قوى وفكرنى بالسنة الدراسية اللى مبتنتهيش والمظلوم أولآ وأخيرآ جيب الغلابة اللى عندهم أولادهم فى ثانوية عامة واللى مشكورة قامت وزارة التربية والتعليم بحل المشكلة لهم بإنها خلت الثانوية العامة7 سنين مش بس سنة واحدة ولا إتنين ولا حتى تلاتة على رأى الراجل اللى فى تمثيلية ونيس اللى هو العظيم محمد صبحى , وربنا يجعله عامر إن شاء الله.ههههههههههههههههههههههه | 
العرض العادي
