1- ايه رايك بمنتدى ياميلودى بكل صراحه ووضوح ومن غير ابسط المجاملات لاني اكره المجامله ولو بحس مجرد احساس انك تجامل بدبحك واكطعك كطيع
لا الحمد لله انا وقح و سافل و مبعرفش أجامل .. ده بس طول ما اللى بقول رأيى فيه يهمنى
شوفى يا ستى انا مره زمااااااااااااااااااان سجلت فى منتدى اسمه دوشه او دوشتى او دوشتى او بلاش دوشه بقى حاجه كده تحسسك انك قاعده فى ورشة سمكرى و بصراحه محبتهوش أوى .. و بعدها بسنتين لقيت رساله جايه من منتدى اسمه ياميلودى و ( فحواها ) انت نسيتنا ولا ايه ؟ .. دخلت يا جميل و نسيت باب الخروج منين
دى كانت اجابه دخلت منتدى يا ميلودى منين ؟ السؤال اللى انتى مسألتهوش
بالنسبه لسؤالك بقى عن رأيى فى المنتدى فأحب اقول لك بضمير مرتاح انه فعلا اجمل منتدى دخلته فى الـ 5 سنين اللى فاتو دول .. صحيح فيه ناس صغيره فى السن كتير بس فعلا عقلهم كبير اوى بس و النبى اطردو الواد ده علشان متغاظ منه
ass_like_that
اقتباس:
2- من اقرب عضو لك في المنتدى ؟؟
مش سيره بقى هى الله ؟
ما قلت اسلام و فريد ايه هو ده ؟
شوفى انا بحب اسلام علشان مكافح اوى بيفكرنى بنفسى و انا أده ( حلوه أده دى ) و بعدين مبيتكسفش و فاهم اوى ان احترام الناس ليه مش هييجى غير اذا كان هو نفسه محترم مش بشغلته ولا بمركزه .. عجبنى اوى اسلام لما قالى فى مره انه بيشتغل فى الصيف مش فاكر فى المعمار بس نسيت ايه بالظبط ..
و بالنسبه لفريد .. يمكن كلمته مرتين ع الايميل بس لكن عجبنى ا,ى صراحته برضو .. راجل بيقول عيوبه قبل مميزاته .. نظام انا كده و اذا كان عاجبك انت هتخنقنا ليه ؟!!!!
و عايز اقول ان اكيد فيه اعضاء كتير هنا فيهم نفس الصفات دى بس يمكن انا لسه معرفتهومش
اقتباس:
من اقرب شخص لك بحياتك اليوميه ؟
واحد لسه بيحب من شهر هيكون مين اقرب حد ليه فى حياته اليوميه يا جى جى يعنى ..
اقتباس:
3- لو استلمت السيطره على المنتدى (من الى) يعني من مجاميعو ممكن تغير ايه؟؟
و بعدين الابداع بقى تلاقيه فى التالته اللى بتقول لك حطى لمونه بايظه فى بق العضو اللى تختاريه
و لما نحب نجدد بقى نلعب اللعبه الرابعه بتاعة حط صوباعك فى ودن العضو اللى
تانى حاجه هعمل شات جبار للمنتدى
ثالت حاجه بقى و دى الاهم انى هطرد العضو المحترم ده
ass_like_that
اقتباس:
ايةاحلى مسج وصلك ؟ ومن مين ؟ وليه اعجبك ؟
احلى ماسيدج وصلنى كان ( لو خيرونى بينك و بين مال قارون اختار مال قارون و اشتريك بفلوسى )
و كانت من مروه و مش كل ما اقول اسم حد تسألونى مين دى
عجبنى علشان لذيذ , على فكره هى قالت اشتريك بفلوسى يا كلب بس انا مش هقول يا كلب طبعا علشان عيب اقول يا كلب فى المنتدى
صح ؟
اقتباس:
لمين تقول ( اسهر معي ليله ) ؟
مش رادد عليكى يا جى جى
اقتباس:
لو يقولولك اتمنى امنية و ميه بالميه بتتحق واية راح تتمنى ؟؟
لو هتتحقق بجد بجد يعنى ؟
هتمنى كل اليهود اللى فى العالم يجيلهم شلل أطفال و يتعمو .. و يتطرشو .. و يتخرسو .. و يجليهم امساك مزمن .. بس ميموتوش بقى علشان حرام
اقتباس:
كم وزنك وكم طولك ؟
وزنى 92 كيلو
طولى 182 سم
اقتباس:
احلى بيت شعر سمعته او قريته ؟
احلى بيت شعر قريته
عجبت يوم وداعها كيف لم امت .... و كيف انثنت بعد الوداع يدى معى
على فكره قريته من حوالى 8 سنين و لسه معلق معايا اوى
اقتباس:
عباره تحس انها قريبه من شخصك ؟
مش عارف يا جى جى
بجد دورت كتير و مش لاقى بصحيح
اقتباس:
كلمة على طول تتردد على لسانك ؟
انا بقول الحمد لله كتير اوى
كلمة تكره تسمعها من غيرك؟
مش فاهم
لا الكلمه اللى بتنرفزنى هى كلمة ( مش فاهم )
ببقى عايز اضرب اللى يقولهالى بعماره مثلا
مش عارف ليه لما حد يقول لى كده بحس ان انا اللى غبى مش هو
اقتباس:
كلمه تتمنى تسمعها من غيرك ؟
مش فاهم
عايز اسمع كلمة بحبك
و طبعا انتى مؤدبه و مش هتقولى تسمعها من مين صح ؟
اقتباس:
شيء تنتظره بفارغ الصبر ؟
مامة العقد بتاع الشركه الكويتى اللى مش عايز ييجى ده
عايز اروح اكلم ممدوح بقى
اقتباس:
واخيرا ارغى لنا عن حبك شوية بما انك قولت بتحب؟؟؟؟؟
شوفى يا ستى
انا اعرفها من 3 سنين .. بس طبعا مكونتش فى حاله تسمح لى انى ابدأ اى قصص جديده .. كنت لسه مش لاقى نفسى فى الشغل ولا فى الدنيا كلها .. كنت بشتغل بس عشان اقعد ع القهوه و اشرب سجاير و ادخل نت .. بس برضو كانت عاجبانى اوى .. و حتى لما كنت بقول لها انى متهبب معجب بيها كنت بقولها و انا مش عارف حتى لو وافقت هعمل ايه و فى نفس الوقت كنت بفكر فى الحب القديم .. و طبعا علشان البنات اذكى مخلوقات ربنا و بالذات لما يتحبو كانت بتحس بكده .. و كل شويه مشاكل بقى و نرفزه على بعض .. لحد الشهر اللى فات و بعد ما كان بقالنا يمكن سنه منعرفش حاجه عن بعض اتفقنا نتقابل و فتحنا الموضوع تانى
طبعا مش لازم اقول انها بتكابر بس .. عامله تقيله
و هى دى كل الحكايه
اقتباس:
عارفة انك بتدخل نت كتير؟
اه طبعا
اقتباس:
اكيد عارفة ان فى بنات؟
اه عارفه برضو
اقتباس:
بتغير عليك كتير من النت بيحصل قلق يعنى؟؟؟؟؟
بصى هى مبتغيرش من اى حاجه خالص
او يمكن بتغير و انا مش فاهم
اقتباس:
افرض يوم قالت لك مش تدخل نت تانى حتسمع كلامها؟
مفتكرش انها تقول كده بس حتى لو ده حصل هدخل و هقنعها ان دخولى النت مش محتاج قلق ..
اقتباس:
تعالى قولى بقى ايه رائيك فى الغيرة؟
هى الغيره مطلوبه طبعا و كفايه ان الرسول عليه الصلاة وز السلام قال : ليس منا من لا يغار على اهله
بس ايه هى الغيره بقى .. الراجل اه يغير لما يلاقى واحد بيتكلم مع حبيبته يغير اه بس لو فكر : يا ترى بيتكلمو فى ايه كده مبقيتش غيره ده يبقى شك و للاسف فيه ناس كتير بتخلط بين ده و ده
اقتباس:
تفتكر تبقى حب حقيقى ولاحب امتلاك مش اكتر؟
الاتنين .. طبيعى اللى بيحب بيحس ان اللى بيحبه ده ملكه .. بس برضو مش معنى كده انها حب سيطره و يبقى انا من حقى اقول اه ولا .. افتكر ان الحب مفيهوش كده
اقتباس:
تعرف تقولى ايه هى الخيانة زارتك ؟؟؟؟؟
الخيانه حاجه من اتنين يا تاخدى حاجه مش من حقك و صاحبها مآمنك عليها
او تديها لحد تانى
و الحمد لله محدش خاننى قبل كده .. يمكن حد كدب عليا بس
اقتباس:
خنت حد؟
بصى هو مش خونت .. هو كان فيه اللى متصوره ان بمات ان هى بتحبنى يبقى مش من حقى افكر فى حد غيرها طبعا شكرا اوى منها انها حبيتنى .. بس انا مالى بقى اذا كنت انا بعتبر اننا اصحاب ليه تقول انى خاين لما احب ؟؟ مع انها كبيره و عاقله و الله بس نعمل ايه بقى
هاى روك انا لسه جديده فى موضوع المنتديات والفضل ليك بعد ربنا .... واضح ان ليك وضعك فى قلوب كل الى فى المنتدى .... ربنا يحبب فيك خلقه كمان وكمان
سؤالى : تعمل ايه علشان تحسس الى بتحبها انك بتحبها من غير اى لمسات ومن غير كلمة بحبك ؟
سؤال السهل الممتنع ....... معلش بقى
انا اول مره اشوفك هنا على فكره و مش فاهم ليه الفضل ليا بعد ربنا ؟!!
ما علينا مش مشكله خالص انا بس عايز افهم ايه اللى داخله اول مشاركه ليها تدخل تسأل فيا دى
ده انا بقيت ملطشه فى المنتدى ده بقى !!!
و بعدين اه الحمد لله محدش عرفنى و محبنيش اتفضلى بقى حبينى انتى كمان
اقتباس:
تعمل ايه علشان تحسس الى بتحبها انك بتحبها من غير اى لمسات ومن غير كلمة بحبك ؟
ايه الاسئله التعجيزيه دى ؟ !!
شوفى يا ستى موضوع اللمسات و كلمة بحبك ده بيكون نتيجه للحب مش سبب .. يعنى مينفعش اقول لها بحبك و ألمسها يبقى انا كده بحبها و المطلوب بقى انها تحبنى و تخلص ذمتها من ربنا
الحب ده احســــــــــــــــــــــــــاس
و زى ما البنت بتحس ان الواد ده بيغير عليها او انه معجب بيها او البنت دى بتغير منها او بتكرهها يبقى الاولى انها تحس بان اللى مرزوع ادامها ده بيبحها بجد .. ماهو مش معقول يعنى كل حاجه هنعملها احنا ( الرجاله يعنى ) لوحدنا
انا مش عارف بصراحه البنت اللى بيتقال لها أنا بحبك فترد علطول و انا كمان دى راحت فين ؟
انتو ليه خلوتى الحب بقى عامل زى الاساطير الاغريقيه ( يا بتوع المسرح يا مجانين ) .. ؟
ليه كل ما واحد يقول لواحده : انا بحبك تقول له : اثبتلى
ناقص تقول له هات لى راس ( أيمن خشاب ) و انا احبك
دى بقت حاجه تعقد
مين ايمن خشاب ده ؟
!!!!
اقتباس:
ما معنى الكلمات الاتيه:: الحب - الرومانسية _ الخوف - العذاب_ الانسان - الثورة .
امتى بتحس وليه :: بالرعشة_ اللهفة - الشفقة_ الوحده- الصمت _ الصراخ - الدمعه _ الرجوع للطفولة - انك تغيب عقلك .
الاسئله دى من بره المنهج
بس برضو هكمل جنتله و ارد عليكى
معنى الحب لما تحسى ان فيه حد فى الدنيا دى اتضخم مره واحده لحد ما ملى عليكى الدنيا كلها .. مبقاش فى تفكيرك حد غيره .. و تبدئى تحلمى فجأه برضو انك تكملى حياتك معاه .. و مع الوقت يبقى مستحيل تخلعيه من احلامك .. و تحسى انك خايفه عليه اكتر من نفسك .. يبقى اهم من اى حاجه تانيه فى الدنيا حتى منك انتى شخصيا بصى علشان منغلبش بعض لاننا لو قعدنا نوصف الحب من وجهة نظر كل واحد فينا عايزين 6 منتديات نتكلم فيها عن الحب ده لوحده
الحب ده هو الاحساس الوحيد اللى ربنا حطه فى قلوب كل المخلوقات اللى خلقها .. حتى ابليس نفسه لما رفض يسجد لآدم عمل كده لانه حب نفسه و بقى متيم بيها اكتر من اللازم
الرومانسيه دى حاله كده بتخلى كل اللى حواليكى يقولو عليكى مجنونه و تفضلى انتى مبسوطه بيها اوى و حاسه بالشفقه عليهم لانهم مش حاسينها لما تقعدى طول عمرك تبصى للورد على انه ورق ملون ملزوق فى عود اخضر و ريحته ( تقريبا ) حلوه .. و فجأه تكتشفى ان الورد ده حاجه جميله اوى و تكتشفى انه روح و بيقولو انه بيحس زينا و تلاقى نفسك فى يوم قاعد تبتبصى لورده و بتكلميها عن القمر و السحاب و النجوم و فى الاخر تبوسيها و تاخديها فى حضنك و تنسى الطبيخ اللى ع النار
الخوف انك تبقى عايشه ايام و احلام جميله و تيجى فى دماغك فجأه ان كل ده ممكن يروح منك تانى و ترجعى زى ما كنتى .. ساعتها هتخافى
العذاب على فكره مش كل العذاب وحش لعلمك بقى ممكن اوى تتعذبى و انتى بتضحكى و فرحانه اوى بالعذاب ده .. و تبقى كمان مش عايزاه يخلص لما تبقى قاعده فى امان الله كده بعيد عن اللى بتحبيه و يوحشك و تبقى عارفه انك هتشوفيه بعد مده معينه و تبقى عايزه تقومى من مكانك تجرى علشان الوقت يعدى بسرعه .. ساعتها هتبقى بتتعذبى . بس لو بصيتى فى المرايه هتكتشفى انك بتبتسمى
لكن بقى لو بتتكلمى عن العذاب بتاع الفراق و الخيانه و الموت فده ربنا يبعدنا عنه و مش مستعد اتكلم فيه النهارده خااااااااااااااااااااااالص
الثوره لما تتعرضى لضغط اكبر من طاقتك .. و فى نفس الوقت فيه اسباب تخليكى مش قادره تغيرى سبب الضغط ده .. او حتى تعترضى عليه بس بقى لو الضغط زاد اوى قررتى انك تعرضى و اللى يحصل يحصل .. و ترمى كل الاسباب اللى مانعاكى على جنب تقريبا دى تبقى ثوره
امتى بحس بالرعشه ؟ مش عارف و الله انا مبحسش بالرعشه كتير و غالبا لسه محسيتش بيها اصلا هو يمكن و انا بقول بحبك بحس ان صوتى بيتهز شويه بس ده غالبا بسبب انى مقولتهاش من زمان فلسه جهاز النطق عندى مش متعود عليها
باللهفه لما بكون مستنى حد معين و الاقيه بيعدى الشارع و جاى عليا .. اللى بيمنعنى انى اعدى الشارع جرى بس انه مش هينفع اموت دلوقتى .. هتبقى رخامه يعنى
بالوحده ده لما بكون فى الشغل دايما حاسس بكده مع انى معايا 21 واحد غيرى بس برضو ببقى حاسس انى لوحدى و كمان لما امسك التليفون و اللاقى ان فيه رقم معين متصلش بيا او مرنليش من زمان
الصمت مش فاهم يعنى ايه حد يحس بالصمت ؟ لو قصدك احس انى عايز اسكت لما ببص للبحر
الصراخ لما الاقى حد مش فاهمنى ( و انا اصلا مش معبر اوى ) ببقى عايز امسك ودنه و احشر فيها الكلام علشان يدخل على دماغه ساعتها ببقى عايز اصرخ
الدمعه لا بصى انا صعب اوى انى ادمع و ده لو حصل هتبقى كارثه .. متعرفيش بقى ده بحكم السن ولا تكوين نفسى .. بس افتكر ان اخر مره عيطت فيها كان عندى 14 سنه .. يعنى كان من 14 سنه
الرجوع للطفوله ههههههههههههههههه ده احساس دايم عندى اصلا .. لما اسح ان الدنيا بدأت تتغابى بقى و بتتعامل معايا على اساس انى كبرت و بقيت راجل و لازم استحمل اللى هى بتعمله و ناويه تعمله بروح رامى كل حاجه ورا ضهرى و مرمى ع الارض و اقعد اهبد .. ابقى بضحك بقى ولا بعيط من جوه مش مهم .. المهم ان انا طفل دلوقتى و مش من حقها تقول لى انت بتعمل ايه
انى اغيب عقلى لا الحمد لله انا بطلت اغيب عقلى خالص .. كفايه انى غيبته مره لما حسيت ان الدنيا وقفت من 6 سنين و ضاعو الحمد لله .. يمكن لو مكونتش غيبته قبل الـ 6 سنين دول كانت فرقت معايا اوى
فخلاص بطلت اغيبه و بحشره فى كل حاجه دلوقتى حتى الاكل اللى باكله
بصوا يا جماعة انا حبعتلوكوا رسالة عن طريق روك علشان الاستاذ لسه مقاليش ادخل اكلمكوا ازاى
( انا سميرة احمد .. طالبه فى قسم المسرح كليه الاداب .. وروك كلمنى كتير عنكم علشان كده قررت ادخل معاكم واقتحم صداقتكم .. غلاسة بقى ..
انا عندى 26 سنة وباعتبر نفسى مثقفة نوعا ما بحب الفن جدا جدا .. رومانسية جدا واكتر حاجة بتأثر فيا الطبيعة والطيور .. ومن الاخر انا حبيبة روك .. ومبغيرش من النت ولا من اى حاجة تانية ..!)
التوقيع
romsiaa
يادنيا دوبت انا فيكى ودوبتينى فى عنيكى اموت لو عشت من غيرك واعيش لما اموت فيكى.....!!!
رد: روك عندنا ومحدش ادينا 
؟؟؟؟؟
romsiaa