لما تجاوب يا بيكو على كاتب الرومانسيه يبقى هسئل سوال وراح يكون بس خفيف على القلب
س / ما رايك في الحب ؟
الحب دا اجمل احساس فى الدنيا
اللى مبيحبش يبقي مش عايش اصلا
الحب بيخليكى راضية عن كل حاجة
بتحبي كل حاجة
شايفة كل حاجة جميلة
بتحبي الورد
بتحبي الرومانسية
بتسمعى اغانى رومانسية كتير
وافلام برده
الحب اسمي احساس فى الدنيا
وفى كلام كتير اوى ع الحب
ولو اتكلمت وفضفضت عن الحب هحتاج كتب مش صفحة نت
ايه ده هى الموضوع الجميل ده يا محمد ؟؟؟؟؟؟
بجد تحفه مرسى ليك يا ميدو
ومرسى كمان على اختيارك لاحلى فارس فى المنتدى بييييييييكو
الكلام دا كبير اوى عليا ع فكرة
بجد ربنا يخليكى
وهسال سوال واحد بس لبيكو
هوالحب بيمثلك ايه ؟؟؟
الحب بيمثلي كل حاجة حلوة فى حياتى
الحب بيقوينى مش بيضعف
الحب بيخلينى احارب الزمن علشان اوفي بوعدى اللى وعدته للانسانة اللى بحبها
الحب بيحسسنى انى انسان
وانى ليا قلب
وعندى مشاعر
وبعرف احب بجد
الحب بيمثلي وبيمثلك وبيمثل لكل الناس حاجات كتير اوى جميلة
هههههههههههههه مش لازم تعرف ع فكرة
ليسا بتحبو بعض ولا لا ؟؟ ولو مش بتحب مش بتحب ليه؟؟
لا الحمد لله لسة بنحب بعض جامد
وادعيلي والنبي ربنا يجمعنا ببعض
ونكون من قسمة بعض
وايه رايك فى الحب عن طريق النت ؟؟؟
انا مش فاهم ايه النغمة دى
الحب عن طريق النت الحب عن طريق النت
ياجماعة انا مش شايف اى فرق بين الحب ع النت والحب العادى اللى متعودين عليه
فى ناس بتقول ان الحب ع النت بيبقي اشتغالات
كله بيكدب ع كله
كله بيخدع فى كله
طب ما انت ممكن تقابل بنت فى الكلية او فى الشارع او فى المترو او فى اى مكان طبيعي وتتعرفوا ببعض وتقولوا لبعض انكوا بتحبوا بعض
وتكون هى مثلا بتكذب عليك وبتشتغلك وبتلعب بيك ... انت فاهم قصدي
الحب ع النت مفيش بينه وبين الحب العادى اى فرق
هنا ممكن تتخدع وهناك برده ممكن تتخدع
اهم حاجة المصداقية
وبعدين انت لما تعرف البنت ع النت وبعض فترة تظهروا اعجابكوا ببعض
وتعترفلها بحبك اكيد اكيد اكيد يعنى هتشوفها او هتقابلها ولو حتى مرة واحدة
وبمجرد ما تشوفها او تقابلها المرة الوحيدة دى يبقي قطعا حاجز النت اللى كان بينكوا اتشال
وبقي زيه زى الحب العادى لانكوا خلاص شفتوا بعض
ومعتش فيه مجال للخداع
لانها لو مدارية حاجة عليك ع النت
مستحيل توافق انك تشوفها
نفسي تكون فاهمنى وفاهم وجهة نظرى
ونبطل بقي نغمة حب النت دى
وايه الفرق بين الحب على النت والحب على الحقيقه ؟؟
نفس اجابتى اللى فوق مش هغيرها
مفيش فرق اطلاقا
دا رايي الشخصي يعنى
انا عاوز اسئل بيكو بس سؤال واحد باعتباره رومانسي جدا
ممكن في يوم تسيب صاحب عمرك لو طابت حببتك منك ده
حتي لو مش عمل فيك حاجة
لمجرد انها عوزاك ليها لوحدها
تقدر تعمل ده
ياريت تجاوبني بعقلك وقلبك مع بعض حاضر طبعا هجاوبك
بص يا فرعون
اولا انا شايف ان حبيبتى عمرها ما هتطلب منى كدا
عارف ليه
عشان لو طلبت كدا فعلا تبقي انانية وانانية اوى كمان
انا بقي موتى وسمي البنى ادم الانانى
ولو رجعت لسؤالك هتلاقيك كنت بتقولى حبيبتك طلبت كدا
وانا بقي لو الانسانة الانانية دى طلبت منى كدا
تبقي متستهلش كلمة حبيبتى اصلا
اصل الحب مش امتلاك
دا معاونة
مشاركة
مش حاجة تبقي بتاعتك انت وبس
حب الامتلاك دا ع فكرة اسوا انواع الحب
ومبيستمرش بالمرة
فاهمنى
حاجات كتيرة ياسمر
بس ابرزهم واللى ماثر فيا اوى
انها لحد دلوقتى رفضت 3 عرسان علشانى
واخرهم كان الاسبوع اللى فات
وفضلت 3 ايام مبتكلمش حد فى البيت لانهم كانوا ضاغطين عليها
لانه كويس وجاهز ومفيهوش عيوب
وهى كان ردها الجواز مش بالعافية
الحتة دى عرفتنى اد ايه انها بتحبنى
وداعيت ربنا اوفي معاها بوعدى
ومخليهاش تندم انها رفضت حد علشانى
ادعيلي ياسمر
و بس
رد: محكمة الحب ( ارجو التثبيت ) 
