يامساء الصدف ياسامة
مساء العسل ياقمر
والله انا كنت معدية بالصدفة لقيتك
لا انا كنت واقف عادى مستنى واحد
انا حتى مشوفتكيش
عموما انا مش عارفة اسالك اصل شايفة الناس قايمة معاك بالواجب
بس اقولك يلا مايضرش
ككام سؤال كدة
وربنا والشعب المصري كله معاك
وانتى مع مين؟
1_حاسس انك اتظلمت؟
يمكن مره بس بسرعه حقى رجعلى
2_طب انت ظلمت مين ؟
انا مش ظلمت حد على مانا فاكر
3_لما انجرحت ياتري فكرت انت جرحت حد قبل كدة ولا لاه؟
اه فعلا وفكرت انها كما تدين تدان
بس مكانش جرح كبير
4_بتحب البحر؟ طب بيمثلك ايه؟ وامتي بتتمني تكون عنده؟
اه جدا
بيمثلى حكمه فى الحياه
موجه تبدا وتنتهى على صخره
والناس تتولد وتعيش وتنتهى على صخرة الموت حياتهم
وكذلك حكمه تانيه
من فوق فيه الرغوه اللى ملهاش لازمه
وجواه الغالى كله
وبالنسبة لامتى بحب اكون عنده
بتمنى اكون عنده دايما
5_ متى تنزل دمعتك ؟
لما افارق
6_ اسوأ خبر سمعته ؟
كان وفاة بننت خالى 7_اجمل خبر سمعته ؟
والله بجد مش فاكر بالظبط بس مكانش فيه الخبر الحلو اوى يعنى
8_احساسك ايه فى المواقف الاتية
*لو مرة حبيت بصدق وشوفت اللى بتحبك بتخونك
هتحرق من جوه وهلوم نفسى وهشيل قلبى الغلط
وهعاقبه واحرقه*
لو حسيت انك سلمة او كوبرى عشان واحدة توصل لصاحبك
هحاول ابقى سلمه فعلا
بس سلمه مكسوره
تقع هى من عليها على رقبتها
وهدوس انا على رقبتها واعمل مش اخدت بالى
*لو خنت اللى بتحبها
بكره الخيانه
بس يمكن تكون دى انتقام
بس انا برضه مش من انصار انى ارد الغلط بغلط
اه يمكن اكون كسبت جوله
بس ابقى خسرت نفسى
*لو حبيت اتنين تعمل ايه وهما الاتنين نفس مقدار الحب وماينفعش تتجوزهم الاتنين ايهما تختار
ازاى احب اتنين ياجيرا؟
بس لو حصل واتهبلت
يبقى عذاب بعذاب
ومش اتجوز حد
عشان محسش بالذنب نحية واحده على حساب التانيه
وممكن حل تانى
اتجوز اللى تحبنى منهم اكتر
9_ مين اكتر حد بتخاف عليه فى الدنيا دى ونفسك يبقى معاك على طول ؟
اسرتى
انا اسريا مستقر
ومعنديش استعداد اخسر الجو الاسرى دا باى حال
10 - من اكتر شخص بتخاف منه بصراحة ؟ واحكيلنا موقف حصل معاه ؟
والله كاشخاص مش خايف
بس انا بخاف من ربنا الحمد لله
بس ساعات بصراحهالواحد بينسى
او بيتناسى
هى الصراحه حلوه
11- ايه اكتر موقف حسيت فيه بالظلم ؟
كان اتقال كلام على لسانى
ومن ناس يعزونى ومش قصدهم يضرونى
حسيت انى اتحطيت فى كدر مش بتاعى
ومش انا ده
12 - امتى اكتر مرة حسيت فيها انك وحيد ؟
لما دخلت الكليه
كل اصحابى خرجواكليات بعيده
وانا دخلت لوحدى
واللى زاد وغطى
ان قسمى مكانش فيه ولا ولد غيرى
عشان كدا كنت ااكتب حضور وانا نايم فى بيتنا
وشيتات تنكتب لى
ومحاضرات تتصورلى
بس عيبها كنت لما اغيب كان الدكاتره بيلاحظم
13 - مين الانسان الى مهما حصلك عمرك متفكر انك تلجأله ؟
شيطانى طبعا
والجانب المظلم منى
بس كدة يااسامة
هما شوية قليلين مش كدة
ربنا معاك ويعينك وهرجع تاني بقي اشوف اجباتك ياجميل
