بصراحه موضوع مهم جدا ولازم نتكلم فيه بجد
بمناسبه الرومانسيه في الزمن الأحنا فيه دا في نوعين من البنات
اول حاجه معظم البنات مبقوش زي زمان كانت البنت تستنى فارس احلامها يجيلها لحد عندها لا دلوأتي بقت تدور عليه بنفسها فتقريبا زي ما تقول ان البنت بقت لما تشوف واحد مش مناسب او مش هوا دا فارس احلامها وتحس انو بيحاول يتقربلها بشكل او بأخر بتصدو
وتبعدو عنها
حتى منغير ما تتعامل معاه وتعرفو كويس ممكن يكون هوا دا الهيا بتحلم بيه بس رفضها ليه من اولها بيخليه يحس انو غير مرغوب فيه وانو عمرو ما هيلاقي البنت الهتحبو في يوم من الأيام ودي مواقف بتمر كتير قوي على ناس كتير جدا
ودا سبب من اسباب انعدام الرومانسيه ان حتى مفيش في التعامل بيننا لطف زي زمان الغرب دايما بيحبو بعض اكتر وبيعشقو بعض جدا ويعرفو معنى الحب ويقدروه لانهم بيتعلمو حاجات كتير قوي ومنها فن التعامل بين الجنسيين وهيا الرومنسيه الهيا اساس الحب واساس الزواج واساس الحياه واساس العشره واساس كل حاجه
الرومانسيه بتنتج من كلمه حلوه من نظره حلوه من احترام من حب وتقدير من القلب والأحساس من طريقه نطق الكلمه نفسها دايما في واحد تلاقي البنت بتحس في صوتو بالحنان والحب والأطمئنان وفي واحد تلاقيها تحس في نبره صوتو بالخوف وكل دا بيتوقف كمان على الشاب
الهوا مبقاش زي زمان هوا كمان بقا يشيل من راسو فكره الأرتباط والزواج ويقول انا اوجع دماغي ليه انا كدا مرتاح بعمل كل الأنا عاوزو اربط نفسي ليه وابقا مش عارف اتحرك براحتي ودا عمل مشكله كبيره جدا لما انتشر بطريقه غريبه الزمن دا وهيا ان نسبه النساء والرجال الغير متزوجين بدأت تزيد لا ومش بس كدا دا في ناس بيوصل عمرهم لفوق ال 60 سنه ومتزوجوش لسه وبيندمو
ايه سبب كل الحاجات دي هيا نقطه واحده كل حاجه بتدور عليها النقطه دي هيا الرومانسيه الهيا مش انعدمت في 2008 لا بس هيا في طريقها للأنعدام ولازم مع بعض ايدنا في ايد بعض نلحقها والا هنضيع من بعض وهيضيع كل حاجه وقتها مستحيل حد يفكر في حاجه اسمها حب لان مش هيبقا في حب ابدا فلازم يكون في رومانسيه علشان يكون في حب علشان الناس تقدر تعيش مع بعض
انا عارف ان ناس كتير جدا هتعترض على الكلام دا بس مفيش مانع ان لو واحده بتحب واحد او بتدور على فارس احلامها دا وملقيتوش واتعرف عليها شاب وحاول يتقرب منها انها تعاملو بلطف ومتصدوش ونفس الشئ بالنسبه للشباب مفيش مانع لو انت لسه بتدور على حبيبتك وواحده حبتك انك تعاملها بلطف
نتعامل بالرومانسيه بالكلام الجميل بالحب بكل دا بلاش يكون في قسوه في التعامل بيننا وخصوصا ان النوع التاني من البنات هما البيكونو اقوى من الشباب ونفس الشئ بالنسبه للشباب ليه لازم يكون واحد قوي واحد ضعيف
خلونا نجرب كدا احنا الأتنين نكون رومنسيين مع بعض ونحب بعض بدون قسوه بدون قوه بدون معارضات بدون مشاكل نتحدى العالم كلو علشان بعض نقف قدام كل حاجه وقدام الظروف ونواجه كل حاجه علشان بعض
نرجع الحب زي ما كان زمان نعلم بعض الرومانسيه وبصراحه الكلام كتير قوي في الموضوع دا بأذن الله هكملو بعدين وميرسي كتير ليك ياباشا عالموضوع الجميل دا
